እዛ ማሕበር እዚኣ ማራን-ኣታ ማሕበር ኣምላኽ ሽካጎ ተባሂላ ትጽዋዕ። ማራን-ኣታ ወንጌላዊት ማሕበር ሽካጐ ብውሽጣዊ ደምብታታ ብገዛእ ርእሳ እትመሓደር መንፈሳዊ ዕላማኣ ክትፍጽም ዘድልያ ነገር ክትገብር ድማ ብኣምላኽ ዝተዋህበ ስልጣንን ሓላፍነትን ዘለዋ ኰይና፡ ምስ ካልኦት ሕብረታት ሽርክነት ወይ ናይ ስራሕ ዝምድና ድማ ክትገብር ትኽእል ማሕበር እያ።ማራን-ኣታ ማሕበር ኣምላኽ ሽካጎ ኣብ ፖለቲካዊ ሰልፊ ዘይትነጥፍ ፖለቲካዊ ጸግዒ’ውን ዘይብላ ማሕበር ክርስቶስ እያ። ማሕበር ማራን-ኣታ ዘይመኽሰባዊት ትካል ኮይና፥ ንብረት ክትውንን ክትዕድግ ክትሸይጥን፡ መንፈሳውን ንዋታውን ሓገዛት ክትህብን ክትቅበልን ውርሻ ክትቅበልን ምሉእ መሰል ኣለዋ።እዛ ማሕበር እዚኣ በቲ ብፍታው ካብ ኣባላትን ካልኦት ፈተውትን ብዝወሃብ ዕሽርን መባእን ናይ ፍታው ህያብን ትመሓደር እያ።ብውሕዳት ኣመንቲ ኣብ 1994 ከባቢ ዝተመስረተ ኮይና ክሳብ ሕጂ ድማ ከምቲ ኣምላኽ ዝረድኣ ትከይድን ተገልግልን ኣላ።